7-11-2005

Oriental Daily

朱玲玲拎齊架生做拍友

朱玲玲帶備長鏡拍攝,十足專業攝影師,林子祥與葉蒨文就睇得投入

朱 玲 玲 的 三 位 公 子 雖 各 有 各 忙 , 很 少 陪 她 打 羽 毛 球 , 切 磋 球 技 , 但 朱 玲 玲 也 不 愁 寂 寞 , 相 約 波 友 葉 蒨 文 ( Sally ) 和 林 子 祥 ( Lam ) 欣 賞 羽 毛 球 賽 , 更 自 備 相 機 和 長 鏡 影 靚 相 , 非 常 投 入 !

向 來 熱 愛 打 羽 毛 球 的 朱 玲 玲 , 昨 日 專 程 抽 空 到 灣 仔 伊 利 沙 伯 體 育 館 欣 賞 2005 香 港 公 開 羽 毛 球 錦 標 賽 , 與 好 友 葉 蒨 文 、 林 子 祥 等 一 行 五 人 同 坐 VIP 席 。 現 場 所 見 , 為 揀 選 最 佳 位 置 方 便 影 靚 相 , 朱 玲 玲 未 及 賽 事 開 始 已 一 早 到 場 , 一 身 輕 便 裝 和 手 拿 Hermes birkin bag 亮 相 , 甫 坐 下 即 拿 出 私 伙 「 架 生 」 相 機 和 長 鏡 作 好 準 備 , 一 副 專 業 攝 影 師 的 模 樣 。

葉蒨文只打混雙

朱 玲 玲 說 : 「 我 前 兩 日 都 有 睇 比 賽 , 今 日 就 帶 埋 部 相 機 影 相 , 打 羽 毛 球 同 埋 影 相 我 都 玩 好 多 年 喇 。 ( 囝 囝 有 冇 陪 你 搓 波 ? ) 佢 好 少 , 因 為 都 各 有 各 忙 。 」 說 罷 即 繼 續 專 注 影 相 。

與 朱 玲 玲 同 行 的 Sally 、 阿 Lam , 全 程 表 現 恩 愛 非 常 , 兩 公 婆 不 時 密 密 斟 。 Sally 更 依 偎 在 阿 Lam 的 胸 膛 , 猶 如 小 鳥 依 人 般 , 欣 賞 球 賽 時 又 投 入 得 為 參 賽 者 吶 喊 助 威 和 拍 掌 , 她 表 示 悔 恨 冇 早 廿 年 與 羽 毛 球 結 緣 , 她 說 : 「 我 都 技 癢 , 打 羽 毛 球 真 係 好 好 玩 , 又 有 益 , 不 過 我 老 喇 又 冇 力 , 單 打 就 唔 得 , 打 混 雙 就 可 以 。 」

The Sun

拖Sally夫婦睇羽毛球賽 朱玲玲持長火捕靚Shot

葉蒨文和老公林子祥約同好友朱玲玲一起欣賞球賽

朱玲玲近年醉心攝影,使用的器材已達專業級數

向來低調的朱玲玲,經常自我增值,除愛上打羽毛球外,近年還醉心攝影藝術;適逢昨日舉行《香港羽毛球錦標賽》,特別約同老友葉蒨文夫婦觀看球賽,還帶備專業攝影器材,捕捉球場的動感一面。

朱玲玲與好友葉蒨文(Sally)同是羽毛球發燒友,經常相約切磋球技。昨日兩人結伴到灣仔伊館欣賞《2005香港公開羽毛球錦標賽》,同行還有林子祥與兩名好友,實行五人行。

她們一早到達會場,朱玲玲坐在VIP座位內,將她的Birkin名貴手袋隨意放在地上,即時手持裝好長鏡頭的相機等待球賽開始,十足一個專業攝影師。記者上前欲訪問她時,她顯得有點無奈地表示不接受訪問。不過,在記者幾經追問下,她終於回答說:「我睇幾日啦!(有冇同仔仔切磋球技?)都好少,因為佢都忙於工作!」說罷便示意記者採訪好姊妹Sally。

Sally球場晒恩愛

Sally與老公林子祥觀看比賽期間不時咬耳仔密密傾,Sally還不時小鳥依人般倚偎老公,恩愛非常。Sally表示經常會技癢想打波,她很後悔臨老才學打羽毛球,並說:「我應該早二十年開始打羽毛球,我依家太老啦!冇氣冇力,單打唔得,雙打就好得多呀!」


Compiled at Sally Yeh: The Effervescent Queen of Pop
http://www.sallyeh.net