The Sun

趕錄新碟為個唱造勢 徐小鳳自封05新人向Twins學習

久未碰面的陳寶珠（左起）、徐小鳳與葉蒨文，趁機會合照留念

徐小鳳前晚出席英皇周年晚宴，與葉蒨文、陳寶珠、容祖兒及謝霆鋒共坐一席。身為樂壇大姐大的她，大讚Twins與祖兒之餘，還謙稱自己是05年新人，要向時下新人學習！

正籌備七月演唱會的徐小鳳，在英皇晚宴上表示，已與英皇簽下演唱會合約，現正傾談唱片合約，如果趕得及，會在個唱前推出新碟！她笑言正為個唱Keep Fit：「我唔係復出，從來冇退休，只係偷懶。（有冇諗住打破許冠傑四十四場個唱紀錄？）冇諗過，亦相信唔會有，場數由觀眾決定，唔好畀咁大壓力我，盡力而為！」

談及現今樂壇，小鳳姐說：「依家樂壇好熱鬧，我要向時下所有新人學習，佢好Q版，好有趣，印象最深刻係Twins同容祖兒，祖兒首新歌好聽！（覺唔覺新一輩歌手唱功唔及你？）佢係另一種技巧，唔係冇咁好，唔同唱法唔同Fans。我係05年新人，佢好搏，我要學習佢努力！（想同邊位新人合作？）我係新人，佢地係舊人。」完成訪問後，記者多謝小鳳姐接受訪問，她風趣地回應：「OK啦！唔好意思，我語無倫次亂！」

與葉蒨文雞啄唔斷

另外，已多年沒見的小鳳姐與葉蒨文，前晚同坐十分好傾，葉蒨文說：「好開心同大明星坐埋一齊，我傾好耐，講佢演唱會搵邊個嘉賓、邊個做音樂同邊個做衫。（你有冇好介紹？）佢經驗耐過我，乜都識。」她還表示與英皇有經理人合約：「佢簽我好慘，我乜都冇應承做，好慚愧！」

SingPao

亮相英皇春茗歌星藝人變小Fans

坐在兩位姐級人馬身邊，葉蒨文變成小歌迷

英皇集團前晚筵開過百席，於會展新翼舉行慶祝集團成立63年派對。現場不單冠蓋雲集，更星光熠熠，除了英皇群星盛裝赴會外，最哄動莫過於久違了的徐小鳳的出現。小鳳姐與葉蒨文、陳寶珠坐在一起，三位女士整晚密密斟，非常好傾。期間，不少藝人及嘉賓都向小鳳姐打招呼及合照。

葉蒨文讚楊生成功
而葉蒨文表示，與小鳳姐及寶珠姐大談衫及音樂，她很開心可以與兩位大明星坐在一起。她又指前晚雖然很多人，但楊受成都留意到自己未到，她覺得這點就是楊生的成功之處。