Oriental Daily

葉蒨文狂操Kick Boxing凸點

沙麗愛上玩至潮的 kick boxing，一副英姿颯颯樣子

葉 蒨 文 （ 沙 麗 ） 為 了 即 將 舉 行 的 演 唱 會 ， 近 日 勤 做 運 動 練 氣 ， 除 了 至 愛 的 羽 毛 球 外 ， 更 瘋 狂 愛 上 了 玩 現 時 女 士 至 潮 的 kick boxing 運 動 ， 享 受 那 種 盡 情 發 洩 和 汗 流 浹 背 的 感 覺 。 沙 麗 為 了 演 唱 會 搏 到 盡 ， 要 求 奄 尖 的 她 ， 笑 說 ： 「 依 家 我 姓 奄 叫 尖 。 」

沙 麗 和 管 弦 樂 團 合 作 的 演 唱 會 ， 將 於 三 月 中 舉 行 ， 為 了 keep fit 練 氣 ， 她 跟 一 位 外 籍 練 玩 kick boxing ， 短 短 一 小 時 訓 練 中 ， 由 於 運 動 量 太 大 ， 拳 拳 用 力 ， 腳 腳 高 踢 ， 沙 麗 要 中 途 喊 停 ， 又 要 做 伸 展 動 作 拉 鬆 腿 部 肌 肉 ， 經 過 一 輪 激 烈 訓 練 後 ， 渾 身 是 勁 的 沙 麗 ， 更 出 現 凸 點 現 象 ， 還 連 手 指 也 打 到 瘀 了 。

火速瘦身

沙 麗 說 ： 「 我 之 前 打 四 日 羽 毛 球 ， 今 日 又 練 歌 ， 真 係 好 ， 其 實 我 玩 kick boxing 已 經 五 年 ， 當 時 做 演 唱 會 開 始 玩 ， 之 後 冇 時 間 停 ， 依 家 就 開 騷 ， 一 定 要 撥 出 時 間 ， 不 過 又 boxing 又 羽 毛 球 又 練 歌 ， 搞 到 唔 夠 。 （ 有 冇 瘦 ？ ） 冇 磅 到 ， 但 衫 褲 鬆 ， 知 道 自 己 瘦 得 好 快 。 （ 係 咪 要 求 太 高 ？ ） 唔 知 ， 我 依 家 姓 奄 叫 尖 ， 係 奄 尖 小 姐 ， 哈 哈 ！ 」

The Sun

葉蒨文Kick Boxing打沙包出氣

沙麗打Kick Boxing搞到身水身汗，仲凸埋點，真係好鬼性感

葉蒨文（沙麗）同香港管弦樂團合作演唱會，將今個月十七至十九號紅館舉行，沙麗近排就搏晒命咁做運動練氣，希望演唱會上有超水準表現，沙麗除打羽毛球外，仲愛上呢排至潮Kick Boxing，仲好認真咁請埋外籍練佢添！諸事姐見沙麗拳拳有力，又出埋腳咁踢個沙包，搞到身水身汗，諸事姐都戥佢辛苦，就係因為打得太厲害關係，拳打腳踢一個鐘頭後，都話頂唔順叫暫停，要做番伸展拉鬆肌肉動作，本來沙麗打Kick Boxing鏡頭係充滿勁度，但因為佢件衫質地太薄，有少少凸點，又搞到好鬼香豔。

手指都瘀埋

沙麗趁休息時同諸事姐講：「其實我玩Kick Boxing成五年，都係開演唱會前玩，不過之後我又唔得閒再練，所以先停，依家就開騷，所以我咪又玩番囉！我好享受種流汗感覺，今次就打到手指都瘀埋。」

沙麗又話之前打四日羽毛球，又要抽空練歌，搞到都冇時間，佢就冇刻意走上磅去磅自己有冇瘦到，但就覺得衫同褲都鬆，沙麗話：「我對演唱會要求好高，依家我唔係叫沙麗，係叫『姓腌名尖』呀！」